تعرفي تطبخي ؟؟؟؟؟؟؟؟؟ سؤال صريح لكل بنت

ازيكم يابنات


سؤال بس تجاوبوا بصراحة بتعرفي تطبخي ؟؟؟

مش اقصد تعملي سفرة زي دي




بس لو في ظروف طارئة وماما مش موجودة تعرفي تتصرفي وتغديهم من غير ماحد يروح المستشفى

كل واحدة تقول بصراحة وتحكي لينا اي موقف حصل ليها في المطبخ

عليكم السلام اختي الحبيبه

موضوعك لذيذ وخاصه لانه في المطبخ

انا احب احكيلكم علي حاجه حصلت معايا وانا صغيره

والدتي كانت مدلعانه جداا بمعني ممنوع دخول المطبخ اقصيحاجه نروق حجرتنا

وانا في اولي ثانوي جالي عريس وفي القعده الاولي طلب كوب قهوه وانا طبعا معرفش القهوه بتتعمل ازاي وازداد الامر سوء بالنسبه لي عندما طلب باقي الموجودين نفس الطلب

فخرجت وناديت امي وسالتها علي الطريقه

ولقيتها سهله جدا ايه اللي انا عاملاه ده ماما دخلت معاهم علي ان الموضوع سهل بالنسبالي

انا لقيت العدد كبير قلت لنفسي لسه هعمل كوبايه كوبايه في رحت جبت براد الشاي وحطيت كله علي بعضه ولما غليت بمعني غليت
صبتها في الفنجين وعنيكم ما تشوف الا النور طعمها غريب وكلها نفس السكر وعاشوا حياتهم معاها بصراحه

بس المهم انها عجبت العريس صح ههههههههه

علي فكره انا حاليا استاذه في الاكل الحمد لله ربنا كريم برده اتعلمت في زوجي
لو حد عايز اي حاجه احنا في الخدمه

هههههههههههههههههههههههههههههههه
موضوع تحفه
انا بصراحه اول اكله عملتها تقريبا اللى فاراه كانت صينينه المكرونه بالبشامل
وطبعا تيته اللى عملتها
انا بس كنت واقفه جنبها
وعجبتهم جدا
طبعا ما هى تيته اللى عملاها مش انا


بعديها عملت رز دلع جدااااااااااااااااااااااااااااااااااااااااااااااااااااااااااااااااااااااااااا من غير ملح
وبطاطس مالحه جداااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
وكان اكل غريب الصراحه جدااااااااااااا

انا الحاجة الوحيدة اللي بعرف اعملها صنية الجلاش حلو و حادق بس من غير ما اسويها
لاني طبعا ما بجيش جنب النار لان النار ( يح )
و بعمل بيتزا بس طبعا العلبه جايه جاهزه انا بحطهم علي بعض و خلاص
و برضه ما بسويهاش
و بعمل بطاطس محمرة جميله و لما سوتها اخيرا الزيت نزل علي رجلي بس ماكنش كتير يعني الحمد لله

انا يا جماعه كان اخر حاجه اعرف اعملها انى اسلق بيض اول مااتجوزت
لكن الحمد لله بالمثابره والجد والمحاولات المتعدده وبعضها كان مميت لكن نجونا منها الحمد لله بقيت استاذه
والاهم من كل ده ان ورا كل ست بيت شاطره زوج ياما بيتحمل
وصفيحة زباله واسعه تدارى البلاوى اللى كانت بتحصل ههههههههههههههههههههه
حاجات اشكالها غريبه وطعمها اغرب
اول حاجه طبختها بعد مااتجوزت ب5 ايام تخيلوا!!!!
طبعا انا مكنتش فى مصر وبطنى وجعتنى من الاكل الجاهز قولت انا لازم اعمل شوربه وبطاطس وارز
الشوربه طلعت تحفه والغريب ان البطاطس كانت حلوه الارز اللى كان فضيييييييييييييييييحه ما علينا اكلنا البطاطس والشوربه
تانى يوم اصريت انى اكرر التجربه....... والمطبخ بقى لعبتى خلاص وانا لازم اشوى فراخ واعمل مكرونه ماهو انا خلاص بقيت شطوره ...... وما ساْلتش حد ...واساْل ليه؟ بس .... عينك ما تشوف الا النور الفراخ تفحممممممممممممممممممممت والمكرونه عجنت واكلنا السلطه والحمد لله مش هاحكيلوا على كميه الحلل اللى اتحرقت والاطباق اللى اتكسرت لان انا حوادث اصلا
والله تعبت لحد ما وصلت للمستوى اللى انا فيه
دلوقتى تعالوا دوقوا احلى ورق عنب ومكرونه بشاميل وجلاش بالجبنه خطيييييييييييييييييييير
وفطاير باف وكانيلونى و زى ماانتى عاوزه تقولى قولى